[i556]
DE LA VILLE DE PARIS.
449
DCCCXXXI. — Permission de porter armes au serviteur de Mons1, le Prevost des Marchans.
io septembre 15 56. (Fol. 210 r°.)
A tous ceulx qui ces presentes lettres verront, Nicolas Perrot, seigneur des Carneaulx et du Courtil, Prevost des Marchans, el les Eschevins de la Ville de Paris: salut.
"Savoir faisons, comme nous ayons la congnois­sance de la fidélité, loyaulté, probité et bonne ex­perience de la personne de Robert Harelle, servi­teur domestique de nous Prevost, et que pour l'estat que nous représentons et charge à nous donnée par le Roy, il est trés requis et neccessaire que led. Harelle nous acompaigne tant en cested. Ville, à la Court que ailleurs où nous fauldra aller ou envoyer pour les affaires du Roy et de lad. Ville; et pour eviter aux inconveniens des larrons, volleurs et autres gens de mauvaise volunté, est besoing que led. Harelle, nostre serviteur, porte armes et bastons de deffence pour nostre garde et la sienne, tant en cested.
ville que par les champs où l'envoyrons pour les affaires dud. S-'r et de lad. Ville pendant que serons aud. estat ;
« Après ce que luy avons faict faire le serment de ne user desd, armes, si non en cas de neccessité et en son corps deffendant;
"Si donnons en mandement à tous à qui il appartiendra, requérons tous autres que de nostre presente permission ilz facent, seuffrent et laissent led. Harelle joyr et user plainement et paisiblement sans luy faire mettre ou donner ne souffrir luy estre faict, mys ou donné aucun destourbier ou empeschement à ce contraire.
"En tesmoing de ce, nous avons faict mettre ti cesdittes presentes le scel de lad. Prevosté des Mar­chans.
"Ce fut faict le xc Septembre mil v° lvi."
DCCCXXXII. — Pour la somme de lxxii m. livres tournois demandez par le Roy à la Ville
SUR LES PLUS VALLEURS DE SES FERMES. 16 septembre 1556. (Fol. 210 v°.)
Du mercredi xvie jour de Septembre mil vc lvi.
En Assemblée le jour d'uy faitte, en l'Ostel de la Ville de Paris, de Mess™ les Prevost des Marchans, Eschevins et Conseillers de lad. Ville, pour adviser sur les Lettres patentes du Roy données à Fontaine­bleau le xxvne jour d'Aoust mil vclvi dernier, signées: Par le Roy, Clausse; et scellées sur simple queue de cire jaulne, adressantes à Mess™ des Comptes; par lesquelles le Roy demande à lad. Ville lxxii m. livres tournois sur les plus valleurs des fermes alienées par led. Seigneur à lad. Ville pour le payement des rentes constituées sur icelles, nonobstant que lesd, plus valleurs soient destinées pour le rachapt desd, rentes, dont led. S-r a desrogé pour ceste foys par lesd. Lettres, attendu ses affaires; en laquelle se sont trouvez, c'est assavoir :
monsr Perrot, Prevost des Marchans;
monsr Du Ru, monsr de Courlay, monsr Messier : Eschevins.
monsr de Livres, monsr Paluau, monsr m0 Phi­lippes Le Lievre, sire Guillaume Larcher, sire Denis Berthelemy, sire Jehan Croquet, sire Claude Le Sueur, m* Jehan Sanguyn : Conseillers de ladicte Ville.
Après ce que mond. Sr le Prevost a proposé à lad. Compaignée comme Monseigneur le Reverandissime Cardinal de Lorraine se trouva le jour d'hier, et après plusieurs propos des affaires de la fortiffication de lad. ville, luy dict que le Roy voulloit et entendoit que lad. somme de lxxii m. livres tournois luy fut payée comme à luy appartenant à cause des plus valleurs de ses fermes, et qu'il ne failloit point ref-fuser ne contrarier à son voulloir, non obstant qu'ilz soient destinées pour le rachapt desd, rentes.
Et après lecture faitte de la coppie desd. Lettres patentes collationnée à l'original par monsr le Gref­fier des Comptes Le Maistre, notaire et secretaire du Roy, signée par luy, a esté la matiere mise en deli­beration, et demandé aux assitans leur oppinyon. Lesquelz ont tous conclud, advisé et deliberé que lad. Compaignée estoit bien petite pour y adviser; mais où il fauldroit passer oultre et donner avis, ont con­clud qu'il est besoin de remonstrer au Roy et son Conseil que de bailler lesd, deniers provenans desd, plus valleurs destinées et obligées au rachaplz des rentes constituées sur lesd, fermes, seroit le grand dommage dud. Sgr et interest de lad. Ville, par ce que en faisant par chascun an rachapt desd, rentes,
57
[UPniM Enil NATIONALE.